Kuhusu Sisi

Asikana Network ni shirika linaloshughulika na masuala ya kijamii nchini Zambia ambalo linajikita katika kuongeza ushiriki hai na wenye manufaa wa wanawake na wasichana katika kozi zinazohusiana na masuala ya kiufundi. Mpango huu unajikita katika ukuzaji wa mbinu kupitia kutoa mafunzo, ushauri na kuwaweka katika mafunzo kwa vitendo ili kuwakuza vijana wa kike.

Chama cha Amani & Maendeleo Afrika ni shirika la asasi za kiraia linalohusika katika kutekeleza na kufuatilia masuala ya sera za mtandaoni za watoto nchini Kameruni na katika eneo la Afrika ya kati kwa ujumla. Kutokana na mwelekeo huu, tunashirikiana kwa karibu na mashirika mengi ya umma, binafsi na ya kimataifa yanayohusika katika ukuzaji na udhibiti wa mawasiliano ya kutumia simu, redio na televisheni katika jamii yetu.

Authentic Africa Group ni shirika linalotoa huduma anuwai kwa biashara zilizo Kusini mwa Jangwa la Sahara ambalo linatoa usimamizi kamili wa mipango na huduma za ushauri ili kusaidia biashara kukua haraka zaidi.

BS Corp ni shirika la Wasenegal lililobobea katika kutoa mafunzo ya masuala ya kidijitali kwa watu waliotelekezwa zaidi. Tangu 2019, shirika la BS Corp limekuwa likitofa mafunzo ya elimu ya kidijitali huku zaidi ya watu 7,000 wakipokea mafunzo tangu lilipoanzishwa.

Shirika la Center for African Leadership Studies (CALS) lilianzishwa mwaka 2012. CALS ni mojawapo ya makampuni yanayoongoza kutoa ushauri na mafunzo nchini Ethiopia yanayoangazia uongozi na masuluhisho ya ujasiriamali ili kujenga viongozi waliobadilika na wanaowajibika. xHub Addis ni mpango wa CALS ulioanzishwa mwaka wa 2014 ambao unakuza, kuharakisha ukuaji, kushauri, na kutoa mafunzo kwa wajasiriamali wachanga ili wageuze mawazo yao bunifu kuwa biashara na huduma.

Child Online Africa (COA) ni shirika lisilo la kiserikali lililojikita katika utafiti na utetezi wa masuala ya watoto ambalo hufanya utetezi wa/na watoto na vijana pamoja na familia zao ili kushajihisha sera na kubadilisha taratibu zinazoathiri ustawi wa watoto nchini Ghana na Afrika nzima. Tuko tayari kushirikiana na wengine ili kutengeneza maudhui kwa ajili ya mtoto wa Afrika.

Cybersafe Foundation ni shirika lisilo la kiserikali lililo katika sekta ya usalama wa taarifa ambalo linalenga kufanya juhudi za kuleta mabadiliko yatakayohakikisha kwamba intaneti ni salama kwa kila mtu barani Afrika anayeweza kupata teknolojia za kidijitali. Wanafanya kazi bila kuchoka ili kuboresha usalama wa intaneti barani Afrika, hasa kwa watu walio katika hatari kubwa zaidi katika jamii yetu, kupitia jitihada za shirika hilo.

Shirika la Digify Africa mwanzoni lilianza kama Live Magazine South Africa wakati ambapo mwanzilishi wake Gavin Weale alihamia Afrika Kusini kutoka Uingereza ili kuzindua gazeti hilo la vijana ambalo alikuwa akiliendesha jijini London, Uingereza tangu mwaka 2002. Live Magazine likawa gazeti la vijana lililosambaa sana nchini Afrika Kusini, huku maudhui yake yote yakizalishwa na vijana wasio na ajira wakifanya kazi chini ya washauri wataalamu. Kiini chake kilikuwa mradi wa kuleta mabadiliko kwenye jamii, huku wito wake ukiwa kufikia vijana wenye rasilimali finyu kupitia jumbe muhimu na kutengeneza ajira kupitia mchakato wake wa uzalishaji. Jambo hili lilifanya gazeti hilo kubuni mipango mbalimbali, ikiwa ni pamoja na kampeni ya miaka minne ya shughuli za demokrasia, iliyojulikana kama kampeni ya VIP, pamoja na rudio la kwanza zaidi la Digify Pro lililozinduliwa mwaka wa 2014. Mwaka 2016, shirika la Digify Afrika lilianza shughuli zake nchini Kenya na Nigeria, na likapitia kipindi cha maendeleo makuu, likitoa mpango mkubwa wa mbinu za kidijitali kwa ushirikiano na Google, Wakfu wa Rockefeller na Baraza la Uingereza.

Shirika la Eveminet linaongoza katika kuelimishana kuhusu masuala ya kidijitali na kudumisha usalama katika mtandao, hasa kwa familia, watoto, na mazingira yao. Wanapigania teknolojia jumuishi kwa watu wote kupitia mpango wao wa Light It Up Blue Initiative kwa ajili ya watoto wenye Usonji. Wanatengeneza watetezi wa kimataifa wa masuala ya kidijitali kwa kuleta mabadiliko wanayotaka kuona katika jamii.

International Education And Resource Network (iEARN- Kenya) ni mtandao wa wakufunzi wanaofundisha, kushauri na kuwasaidia wakufunzi na vijana kutoka kote ulimwenguni ili waweze kutumia teknolojia katika mafunzo wakiwa kazini na pia wakiendesha miradi kwa pamoja na wenzao kutoka ulimwenguni kote na kuchukua hatua zinazoshirikisha ulimwengu mzima katika jamii zao ili kuleta mabadiliko.

Kuwa Salama Mtandaoni ni tovuti iliyoidhinishwa na inayoheshimiwa sana iliyoundwa mahsusi kusaidia watu binafsi na biashara ndogo ndogo kuwa salama na kujiamini wanapotumia intaneti. Taarifa na ushauri unaotolewa – upo kwenye tovuti yake ya Uingereza www.getsafeonline.org, akaunti zake za mitandao ya kijamii, vyombo vya habari, sehemu za uhamasishaji na kupitia chaneli za washirika wake. Mtaala umeundwa kutopendelea, kujifunza kwa vitendo na rahisi kufuatwa na hadhira inayolengwa. Kuwa Salama Mtandaoni pia hufanya kazi kwa karibu na idadi ya vikosi vya polisi na mashirika ya MOD, na pia, kwa muda wa miaka mitatu iliyopita, imeanzisha mtandao wa tovuti na uwakilishi katika nchi 24 za Jumuiya ya Madola na kwingineko. Kuwa Salama Mtandaoni ilianzishwa mwaka wa 2006 na ni shirika lisilo la faida. Mtaala huu unafadhiliwa na Ofisi ya Uingereza ya Mambo ya Nje, Jumuiya ya Madola na Maendeleo (FCDO).

Digital Promise ni shirika lisilo la faida la kimataifa linalofanya kazi kupanua fursa kwa kila kila mtumiaji wa mtandao. Tunafanya kazi na waelimishaji, watafiti, viongozi wa teknolojia na jumuiya ili kubuni, kuchunguza na kuongeza ubunifu unaosaidia watumiaji wa mtandao, hasa wale ambao wametengwa kihistoria na kimfumo.