Usalama na Ustawi wa Vijana Mtandaoni

Somo 3: Maingiliano Yanayofaa Umri Fulani

Tayari?
Anza Somo

Sehemu ya 1: Zana za Usimamizi wa Wazazi

Tulitambulisha Kituo cha Familia, ambacho ni nyenzo inayowapa wazazi na walezi mwongozo wa kitaalamu, zana za usimamizi na maagizo ya mazungumzo kupitia makala za kutaarifu. Kituvo hiki cha elimu kimeundwa ili kukusaidia kuongoza hali ya sasa ya mtandaoni na kusaidia kuhakikisha muda wa kijana wako mtandaoni ni chanya na wenye msaada zaidi.

Zana za usimamizi wa wazazi huruhusu wazazi na walezi:

• Kuangalia kiasi cha muda ambao vijana wanatumia katika Instagram na kuweka vikomo vya muda.
• Kupata arifa ikiwa kijana wako ataamua kushiriki ripoti fulani.
• Kufuatilia akaunti ambazo kijana wako anafuata na zile zinazomfuata.

Tumeongeza vipengele vingi zaidi, ili:

• Wazazi na walezi waweze kualika vijana ili wawe sehemu ya usimamizi kupitia mipangilio ya programu. Bado chaguo ni la kijana wako, na wewe na kijana wako sharti mkubaliane.
• Wewe na kijana wako mnaweza kuratibu vipindi vya mapumziko ambapo yeye hawezi kutumia Instagram. Mnaweza kuchagua saa mahususi na kupanga wakati wa mapumziko wa kila siku ya juma. Pia tutamjulisha kijana wako wakati ambapo kipindi cha mapumziko kinawadia.
• Tumeboresha mchakato wa kuripoti. Kijana wako anapotoa ripoti kuhusu jambo fulani, sasa anaweza kuongeza maelezo zaidi, kama vile ni nani aliyeripoti na katika kategoria gani. Bado kijana wako ndiye ataamua kushiriki taarifa hizi nawe.
• Wewe na kijana wako mnaweza kuwa na mazungumzo ya kimantiki zaidi kuhusu kutumia mitandao ya kijamii kwa kuwajibika.
  • Unaweza kuangalia mipangilio ya akaunti ya kijana wako, kama vile ufaragha, vidhibiti vya maudhui nyeti, na mapendeleo ya kipengele cha jumbe.
  • Unaweza kuona akaunti ambazo kijana wako amezuia katika Instagram. Kabla ya mabadaliko haya kufanyika, vijana watapata notisi ya saa 72. Hii inawapa fursa ya kuzungumza na wewe kisha waamue kama wangetaka kujiondoa.

Sehemu ya 2: Kuwekwa Kiotomatiki Katika Akaunti za Faragha kwa Walio Chini ya Miaka 16

Tunaamini kwamba kuwa na akaunti za faragha ndiyo njia bora zaidi ya kukaa salama. Kwa kutumia akaunti za faragha, sharti watu watume ombi la kufuata kijana wako au kuona au kutoa maoni kwenye maudhui yake — na sharti vijana wakubali maombi hayo kwanza. Ujumbe wowote watakaopokea utaenda kwenye folda yao ya maombi ya jumbe za faragha.

Ikiwa kijana wako hajatimiza miaka16 na ni mgeni katika Instagram, atawekwa kiotomatiki katika akaunti ya faragha. Ikiwa hajatimizamiaka 16 na tayari yuko Instagram, tutamtumia (au tayari tumemtumia) arifa ya kumkumbusha kuhusu manufaa ya akaunti ya faragha na kumhimiza kubadilisha aina ya akaunti yake.

Ni muhimu sana kufikiri kuhusu ufaragha kwa mantiki, hata ikiwa vijana wataamua kutumia akaunti iliyo wazi kwa umma.

Chanzo

familycenter.meta.com/education

Hongera!
Umekamilisha Moduli

Somo Lililopita Vifaa vya Moduli